محمد لفته العماري
تمشي
دايخ مدري وين
تصعد بأول قطار…يمر عليك
تارس جيبوك….اغاني
بلكن الله يصادفك… ليل البنفسج
بلكي تلگه عزاز…لسه..وحاسبينك!
تنزل آخرمحطة وصدفة يتلگاك شرطي
يصيح… بيك
وين رايح ؟ !
دنيه ليل
وهسه ممنوع….التجول
بالربيع
يصير ممنوع…..التجول
بالنهار
يصير ممنوع…..التجول
ع الورد
والناس
والبستان الاخضر
ع النهر
والماي
والشط والسواجي
كلشي
ممنوع ب امر...قاضي الخريف!
تصحه من النوم خايف
تحمد الله
اعله….. السلامه
بعدك
وماكملتها الابتسامه
تبچي
من تشوف
روحك
چنت نايم بالمحطه…..
وتبچي من تشوف روحك….
غااااااد
مشموره لوحدها
غاااااد
ملفوفه…. بجرايد..
ع الرصيف …….!
