ايمان رسول الكوفي
واصل نظرتك لاتگطع التركيز
اردك للبدايه لو ردت تنقل
انا رغم السكوت اطرب على مناغاك
اصدك بالخجل واتمنى تسترسل
مثل شعر المبلل نيته ماتصفاش
يگطر عل الخصر وبلا ادب
ينزل
تجدح نار شفتك خطر حرف الباء
وانا اشموع كلي وتانيه تقندل
عليك الله ابتعد طولك طبعلي
الثوب
ماحسبت ثوبي من العطر يهدل
بكل شهگة نفس ينشلع من
البيت
الف دگمة منع والخيط مايحمل
شگل لاهلي من افز مطرت الدنيا بطيف
وشگلهم عل الاثر والحال متبدل
حريصه امي وتراقب حمرة الخدين
تميز ياوجن بعيوني متكحل
وتعرف لو غفه بصدري نفس مشتاگ
وشنهو بملبسي بلا فكر متعدل
تفزع لو خيالي يطگ چتف
بخيال
تدري الليل ماينسى الحچي اليكتل
تضم شعري من انامن تستحي من الطيف
تخاف من العشيره وبالفكر تفتل
وانا الما ضوه بگلبي من الگرابه اشموع
الوادم حضرتله سيوف يمته يزل
اعاند بالشعر وحي الغزل والناس
كل رمشة جفن صورة غزل تهمل
اعشگت مجهول لكن بالعمر وفيت
زغير الما يوافي بغايته ينعثل
لبس وجه الشهامه وباگ كحل العين
مثل غدر الزمن عنه الزمن ميقل
ارسمت بشفاي ضحكه وطعمتها دموع
انه ادري بدمعتي امن الجري متمل
بهدوم الفرح غصت اركان السوگ
وعلى عيني عرفتها الوادم اتعزل،،
