“إلى ذلك الغريب الذي فقد ظلّه

إلى الضعيف الذي تغلَّب على أوجاعه

إلى القميص الذي بقي معلقاً على زواية ما ولم يرتديه أحد”

 

وتريد اتعرف ممشاك

فك صدرك و اطرد كل شبح مضموم

و دور لعدّ آخر بال

تلگه من العمر موال

آخر كاس من دمك شربته بصحة الوادم

و بروحك ولا ضل طيف

هذاك انت اليسمونك يفي الصيف

عگدت أحلامك بجفهم

والمغرب عگد نيتك

وروحك سابگه جدامك 

ولا سجه التعبر الليل باحلامك

ولا عطابك يشور ويطفي الليل

دعلن موتة اقلامك

اصرخ فيض الدنيا بموايليلك

صيح بكل خضار الهم

يرب الليل فوك عيوني مد ليلك

الخوف انواع؟

اعبر باجر متانيك حلم اجديد

لتفكر بحلم الضاع

منين تخاف؟ تاليتك نذر للگاع

تخاف تموت وانت الماي

 واهو حسبة الموت شراع

اصحى

اصحى الدنيا شمرة رأي 

ورأيك لا يصير وداع