لا وجوه التعتنيني 

ولا سوالف طيف وتغزر بعيني 

يالحنين  هواي غنيتك تعال 

شمالها عيونك تغني مسافرين... ذكرياتك باقيه بروحي مواويل وموسيقى 

وانه مثل أعمى اعله عكازه طريقه  الصوره تاخذني وتوديني لحنينك   طفحت بعيني الدموع تصيح وينك   ردت الومك

حيلي باكه المغرب بحجة رسومك 

ثكلت الغربة وبجيتك.

خايب الغربة تغنيني واحبك 

خايب شماله ولا حن ليه كلبك 

كل مراسيل الاجت ما بيها ظنه

بس مراسيلك صفت بجفوفي حنه   شوكي وعيونك قصايد 

الريل للماله ولف ملكاه بارد 

والصور كلش حنينات أعله عيني 

الليل دوهني شكثر باسمك يجيني   لا الليل يجوز مني 

لا كليبي يجوز مني 

ليش واعدت الغرب وانا مواعيدك جزني 

بيا مكان الكالي ذكره 

البات نص صحره دليله يصير كمره  استاحشيتك 

لحد ما بانت على عيوني غربتك 

ليش كل ما مر برد بيه 

ذكرتك

يا دليل التايهات 

ما ترجع لونهن قمصان منك 

بكل ذكر للوطن ركضن ناطرنك 

بكل ضريح عتاب شديت الرسايل  بلكت تمر وتجيني 

هناااك فوك أغصان عمري

 انسان ذابل...