كرار الصيمري
بگايا من الحروب تظل
صورچن جوه كل خوذه
واساميچن حدر كل دم
وعناوين الوداع مطشره
ويا الروس
موعد ويا كل جثه الشبگ ينلم
حدر تفكير كل جندي
حبيبه وگاع
حدر كل ثورة خسرانه
هدر للگاع
عثر جدم النضال وطاح من شاف الدغش متگبع بشعبه
من شاف الضمير يصير لجفوف الجذب كعبه
من شاف الزلم كلمن
حظه بتعبه
خايف لا اوقع بالحلم واصحى
ويگلولي اشترينه البيت
واطلع وبجنطتي البيت
شبر ماعندي احط جدمي
خنگت البيت
غريبه الاه ماتندل مواويلي
غريب الخوف مايندل جدم خيلي
وركض خيلي وعثر بس
ماطحت ضليت
تحچيني الروايه الفارس الما طاح
تحچيني الكتب جوه
النصر سباح
يحچني الشعب كلما تفز فوگ العروش اشباح
