أرشيف جريدة الصباح

{حبل الخوف}

ثقافة 2018/11/27
...
+A -A

حسين الكناني 
بوكت مغرب جفيت وماذكرت اوداع
مَد روحة الكلب نام بحضن جرحه
اخذني وياك يصرخ كل كتر بالروح
شنو نفع الجبل لو فاركه سفحه 
اخاف بسيف وهواسي  انذبح بسكوت
 يصب دمي تعرف العين مو وكحه
خرز طشني الوكت بجفاك وسط الماي
تكطع خيط عمري شلون ارد سبحه
على جناح الليلي ردت منك طيف
تكلي الليل مرمي مصوب بجنحه 
ردت شوفة ارسومك بيها اكحل العين
 عليّ فارس اشواكي 
محزم برمحه
صبح تيار حجي 
الناس عكس الريح
هزني الشوك وبكلبي شفت جدحه
ساعة ليل هجرك عادلتها بيوم
جا يومك شعده بوحشتة الجبحه 
تعال وشوف بستان العشك مهجور
جف نهر الوفة وماتو عطش فلحه
تعال وشوف حبل الخوف هل معكود
خنكني الليل بس جفك  تره يفتحه  
تعال مسامحك معذور انسه الصار
سجلتك  ذنب  وانتة  تجي تمسحه 
اذا ما امنت ما ينمسح مطبوع
اريد بنار كلبي احركلك الصفحه 
انسد باب الفرح بغيابك انذليت
انرسم فوكي جرح وتعلكت لوحه
انزف وانه مرسوم وذهلت الناس
كتب دمي يتيم امفارك الفرحه 
معلم عالجرح من هزة الكاروك
  مريض بلا جرح من انجرح اصحه
الجرح ما يغفه اذا شفت الملح مَر بيَّ 
بس جرحي ايتونس لو حضن ملحه 
خاويت الظلام تعلمت ما اخاف
اهد كلبي بتوالي الليل ما 
اسلحه 
 
 

أخبار اليوم