يحكى ان المنصور شاهد شكل مدينة بغداد قبل البناء
، عندما خططها بالرماد ووضع كرات من القطن فوق الخطوط , واوقد النيران فيها , وحينما راها واضحة , قال : ان هذا العمل يحقق
الامنيات .
رتب الخانات والاسواق والاسوار واختار الصروح / شافهه قبل البناء بكل وضوح / رش رماد وحط كطن فوك الخطوط / اشعل النيران من كل صوب بيهه / شاف سلة نار تركص بين اديهه / شاف طير من اللهب فوك الشطوط / واضح اصبح كل شكلهه / واضح اصبح كل تحرك من اهلهه / واضح الجيش اليمر غزاي عدنه هواي سوح / ينكشف كل كركدن كل اخطبوط / ينكشف ذاك النهر مسموم صافي / ينعرف ذاك اليموت / لن صبح من الفجر بالماي طافي / ينفضح ذاك النزيف السال من بين الجروح / كال هذا الي اريده / كال هذا الجان عندي من
الطموح ).
لم تكن المدن المدورة
, معروفه للناس قبل بناء مدينة بغداد , وكانت هناك حصونا عسكرية , ربما تكون بمعمار جميل
, لكن الدقة والترتيب والتناسق هنا مختلف
بالكامل .
( مو مدن جانت حصون مسوره تفيد القتال / لكن المنصور شاعر بالخيال / راد تنظيم وتقاسيم الدروب مرتبة وكلش دقيقه / راد غزلان الحسن تصبح رشيقة / راد كل الناس عدهه يصير مال / هذاواكثر صار واقع / حال بغداد الاميرة شلون حال / حال نسمات العصاري / حال همسات الظهاري / راد يصبح بالوسط مركز حكومتهه الاداري / راد بيهه يصير قصره / والحرس والمسجد الكل طيف جامع / والفضاء يصير واسع / والسمه بكل حين كمره / تلتقي بنقطة عشك كل الشوارع / راد من بيته يشوف الجان خافي / راد من بيته يباوع / كل غريب وكل مريب وكل بشر بالليل
ضايع ).
