المقاهي .. روح المدينة وضوء الأمكنة
ثقافة شعبية
2019/04/19
![...](/uploads/posts/alsabaah-10604.jpg)
+A
-A
سعد صاحب
الحنين لا ينتهي الى خبز الأم الحار ، والى جلسة الخلان في البيت او في الشارع ، والى اسراب الحمام المنتشرة في الفضاء الفسيح .
احن اللمة الخلان / وكت العيد والافراح والاحزان / احن لامي وخبزهه الحار وكت ريوك / احن للدار احن للجار / احن للي اذا ضاك الملح يخجل / وجفوفه بعد هيهات ما تنمد / ولا فد يوم ترضى من الغريب تبوك / احن الكل برج متروس عودان / احن الكل برج بالريش مليان / احن الكل برج نجمة ذهب تلمع على جتافه / مو نجمات من نزعوا رتبهم بالسواتر ناس خوافه / قائدنه الحمام وطوكه يعني اركان / تيجان الدغش طاحت / وعشوشه غدت تيجان / كل وجعان لو شاف الحمام يطير يتشافه / ما يبقى الم مخفي بكلب وجعان / حلاته اعلى السطح اسراب من يصطف / جواهر من ذهب بالكاع تتلاصف / ابد متكول هذا الي تشوفه
ضروك .
حضور خاص
يبقى للمقهى حضور خاص يقاوم النسيان ، لاسيما المقاهي الشعبية المميزة بشايها الثخين ، وبالعابها المثيرة للدهشة ، وبشجارات اللاعبين وصياحهم الذي يصل الى البيوت القريبة .
احن للي يشع مثل الذهب خده / احن للي بعرك كصته يلم كده / احن للي يبيع الماي بالنهضة / احن الشاعر الومضة / احن للي يبيع الروح كل لحظة / يفرشهه على الشارع مثل خرده / احن الكل كلب مجروح / وجروحه صحيح جروح / كل جرح بوسع هذا البحر كبره / كل جرح بوسع هاي السمه شكده / احن للطوبه والساحه / احن الناس ماعدهه وجع بالراس مرتاحه / احن الكل وجه مرعب مثل خناس / احن للحوذي والناطور والكناس / احن الكهوتك كاظم / احن الكهوتك عمي ابو ناظم / احن للجاي من ايد الشهم وناس / احن الكعدة الحصران / على تخوت الخشب يوم الوكت بطران / ومصايح على فلوس الدفع وياك يا عداي / زايد جاي ناقص جاي / احن للكيك والببسي / احن للعركه بالكرسي / احن للطاولي ورنة هذاك الزار / للشطرنج بالنقلات من تحتار / احن الزوره من يحصر بدين اللاعب الدوشيش / احن المزهر الفلش هذاك الداس / كلك تاخذ الدوبيش / احن للعزل الكهوة بطرك خنجر / احن الخرخشة كل صاي/ احن لمعارك الخوشيه بالقامات والورور/ احن الكل فرن بالعيد من يسهر / احن الذكرياتي هناك ما تنعد ولا يحويهه كل دفتر / احن الكل فلم سهره / احن لمشاكس السمره / احن من نشرد من البار / احن للي تبيع صواني من كيمر / يلن ذاك الامس ماراح ظل وياي / احن للكال للسلطان / من عرشك جرحنه اكبر / وانت من الصفر ازغر / وانت بيوم لابد جاي / تتلاشى
بدواير ماي .
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة