نمنم
![...](/uploads/posts/2023-07/1689184844_3.jpg)
ريسان الخزعلي
جيّه / ما كَلتلك لوتجي ، كَتلك تعال . - وينه طولك من اجّيت ..؟ - لايذ ابسدّ الخيال ...
غيبة نهر / غايب انت من كَلتلي اهواي اجي . ابلايه جرفين النهر ماينلكَي ...
امزاح / اتمازحينه ، والأصابع عثرت ابحز الصدر . يادفو رجفة برد ، كل اصابع
مالكَيت حتّه افوجن روجتين او خلّني غركَان انحدر...
امراية صبح/ سولفت عنّك عَلَه امرايه الصبح . مالكَيت الشامه البخدّك واكَولن بوستي
او بيهه انفضح...
روزنامه/ تكتب ، وآنه امحي اشما تغلَط . شو غلطه ابدفتر صفناتي ، صارت روزنامه
ابكل حايط تنحَط..؟
لذّة وهم/ البردَه تهتز لو اجيت ابخاطِري ، واسمع ابشباجي نكَرات الأصابع ، والكَه منّك
صُبغ اظافيرك طرِي
غيم / مابعَد مطرَه ابسماك اتسد فَطر طين ، ثِكَل غيمك ياحزين . مادريت الدمعه
حالوبة العين...
طول واحد/ خطْوتَك جَن طولي جاي ، نسبكَ المكَه سوَه . جامه بيضه الكَلب
ما ردلَك ضوه...
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة