سعد صاحب 

حامت حول شخصية المختار الثقفي (ع) الكثير من الشكوك والشبهات والحقد والاتهام، وكثرت فيه الاقاويل المتناقضة، هناك من يراه كاذبا يدعي الايمان، وهناك من يجد فيه شخصيَّة ثوريَّة قياديَّة، ثارت في سبيل الحقيقة المغيبة، ومن أجل ارجاع الحق المسلوب إلى أهله، وجراء مواقفه ضد الطغاة دخل السجون، وتشوهت صورته من قبل الظالمين.
(كالوا بشخصك حجي كلش مريب/وانته واحه من الورد ومن العبير/ وانته للعطشان كاس من الزبيب/ وانته اكثر من جنح للمايطير/وانته ثورة بكل نفس وبكل ضمير/يا عطر ياس شكثر مليان طيب/حامل بطبعه التناقض/مره نيران ولهب مره حرير /مره تجرح من يعادي احباب روحك/ مره للمجروح بلسم تصبح ورايك طبيب/مره تمشي اعلى الحراب/مره تطلع من ظلام ومن ضباب/مره بسجون الحقد شمسك تغيب/ مره للوادم حلم وردي تصير/تصعد وياك الشمس فوك المهر وكت التغير/شايل التابوت بيدك والجفن والنار والدم

والصليب). 

نحن نحاول ازاحة التراب المتراكم، عن تلك الجوهرة الثمينة، وعن هذه الشخصية اللامعة في التاريخ الاسلامي القديم، وهو صاحب ثورة عظيمة ناجحة ، اسعدت نفوس الموالين إلى أهل البيت( ع )، واحزنت قلوب الحاقدين إلى حد الانتقام .( ساعة الموقف شهم لا ما تحير/ فتح البيبان دوم الكل غريب/تمطر اعلى الناس خير/من كثر جود الارض ما جاع طير/مشتل الايمان زاهر كل وكت لا موجديب / ذاك راوي من الوفه وفيض الشهاده/وانته بعد الموت عنوان الولاده/لو تطشه اعلى الحزن يصبح سعاده/لو تحطه اعلى الجرح يشفه ويطيب / شنهي يا مختار سرك/لو يمر الصيف بينه تهب نسيم/ لو يمر بينه الشته البارد توج مثل اللهيب/لو يمر بينه اليباس عطورك الطيبه تفوح/ما يشيب الناي من كد ما ينوح /بس اذا شاف الكصب يشتاك للعشره

ويشيب.) 

عند استشهاد الامام الحسين (ع) عاشت الأمة الاسلامية في واقع أليم، وتحولت الكوفة إلى منابر خطابة محتدمة ، تطالب بأخذ الثأر من كل قاتل عنيد، فتطوع العديد من الرجال الاحرار، الذين لايبتغون شيئا سوى محاسبة الجناة،على ذلك القتل الاجرامي الشنيع.( من بعد موت الامام/صارت بكل روح كبر الكاع حسره/صارت بكل ايد تلسع نار جمره/صارت الكوفه ظلام بنص ظلام/ والشوارع صار ليها السان مفهوم الكلام/والجماهير بغضب تصدر بيان/ندد بكل ظالم وطاغي وجبان/عاشت الوادم ظلام سنين عصره/صار كل الكون مشهد من بواجي ومن نياح/صار كل الكون عنوانه النحيب/لا تظن موتك سهل يحسين كسره / وانته بيك جلاب تنهش كل مكان/يشرب بدمك شفت بالنوم ذيب/طاح عرش الله العظيم بيوم راس حسين طاح/يوم موتك مو كفايه شما كلت عنه جسيم/يوم موتك مو كفايه شما كلت عنه رهيب).