صادق الناج

تانيني...

محطة شيب ما ريدك تخليني

ولا رايد دموع متاع

تره شيب السفينه شراع

شخسرك وانه ما ناوي...

الشمعة تموت لو شافت وجه ضاوي

صحت حد ما صفگت الراح

وانه ادري يتطشر لو طلع الصياح

شون والعبره خنگة صوت.....

حنظل مشية البسكوت......

اليوشل نفس تسيورته التابوت

طفت بيك وطلبت امراد

يالمواعدني ماتمشي...

 تره حجاية النار رماد

احس تتعثر بخدي ....

لمن من عيني دمعه تصب

يسالوفه تگطر من شفايف حب

يل من عيني ماخذ شوف

يوحشة غابه....

وآتمشه اعله طولك خوف

اذا بالروح ما مش حيل....

سكته بجدمك المشلول

وتره العثره الزغيره ....

گبال جدم الخوف حيل طول

يوردة روحي يالقداح

نكت شكد جثث بس مالكيت ارواح

ينيتكم دمع حرگه

يسفره شوك بس ماضايگه الملگه

چفوف الخانگه الحنه ولاتشتم نفس صفگه

ليمته انتظره روج الجاي ...

وطيح بشفة الناعور چلمة ماي

يدخان المشه تغرب....

غمك حجايتك يالبير لوشفت الدلو  تگرب

يمته استورحك نسمه

تره الشباج يكره جيت الظلمه