زيد كاظم
ذبتني السمه غيمه وطحت بغروب الولايات
وانه ادري المطر لوطاح مدري بيامچان يبات
الحزن من يعشگ ابنادم عشگ چتال
بس طبع الفرح بذات
ياگلبي النوايه السود كلها تريد تدنالي
وياگلبي العشگ والماي وكت العطش چتالي
تعبت امن السمه للگاع
انه بكلشي وجه متعوب حتى بمشيت اخيالي
انذل بلملاگه وبلفراگ انذل
واتيه بلفرح مرات
بس بيه النشد يندل
مشيتك ويه طول اليل وتعبي اعله الصبح نده
اشتهيتك والشمس غنت وزرعت لجيتك ورده
ولابين خبر منك ولاچف منك ادنه
تانيتك شتال اسنين
وفلاحي بصبر غنه
وعلگت شموعك بجرحي وگلت لروحي الك جيه
وتلمستك الصبر والشوگ
ومواعيدك عطر بيه
يمته اتحن
وهجرك ينزع اسنيني
يمته تجيبك الصدفه واكحل بشوفتك عيني
