اسماعيل محمد إسماعيل
جنت أنا طوير المراح
العاشك الصفنات ديره
وجانن اعيوني عروس، وهودج
وزفه وعشيره
وجانن ارموشي نسل كذلة جرح
وجانن خدودي رياحين وصبح
وجانت اشفافي اميره
وجانن ثيابي الضفيره
...البيها سبح الماي
بشطوط العصاري
ويتعب اوياهه الهوه
بروحه الزغيره
وجانت تشمني الروايح
شمي شم ريحة هلي المليانه غيره
وجانت الناس اعله دربي
تذبها حيره
ونثني شوك احروف نثني
شوكي وك لمني وانا الموصوف
تقراني: عذاب
شوكي وك لمني وانا الموصوف ماي
مدري من سواك كتريني
تراب
ومدري من سواني وي غيرك عطش
واسبك عيونه سراب
مدري من سواني شمسي؟
وكمت احن لرويحتي كبالك ضباب
ومدري من حطني اويا اصابيعك
رباب
شوكي وك.لمني كبل طيحة دليلي
بهيمة أحزانه
ويسكته اوي باب
