القصور العالية تفرع طغاة / والاهل والريح والوادم قساة / الشعر دفتر حدر راس الشباب / الشعر دفتر حدر راس البنات / الشعر وحده الشعر يمطر رغاب / الشعر وحده الشعر يمطر حياة / الشعر وحده الشعر يركض وراي / الشعر بلسم جروحي / الشعر افراح عمري وليل نوحي / الشعر مجذاف روحي / الشعر لا ما يبوح ومن بعد ياناس يوحي / الشعر كبل المواسم كال للازهار فوحي / الشعر ثوبي ومزاميري وعصاي / الشعر واحة حياتي / من عهد ذيج الطفوله الحد مماتي / الشعر كل امنياتي / الشعر عيد الشعوب / الشعر مرجل لهب يمحي الذنوب / الشعر شم النسيم / الشعر جنة وجحيم / الشعر وحده العظيم /  الشعر وحده مصيري وكل سواليفي وغناي / الشعر يطرب اذا يسمع نغم رنات ليري / الشعر بستان برحي مطعم بنخلات ديري /  الشعر مثل الجمر يشعل سريري / الشعر سودن امير الكاس بالدنيه الحصيري / الشعر لولاه ما طاح الوفر كله بغطاي / ذاك فوك من الجسر وحده يهيم / كل فجر مجنون ويتابع خطاي  .