الوطن مشمش حلو.. بقالب عسل مصبوب
ثقافة شعبية
2019/11/29
![...](/uploads/posts/alsabaah-23754.jpg)
+A
-A
سعد صاحب
حب الوطن فرض على الارواح النبيلة ، وواجب لا يمكن الاعتذار عنه ابدا ، وفي بعض الحالات يتحول هذا العشق الى مرض ،صعب
منه الشفاء .
ادري بمحبتك فرض / وادري العشك مكتوب / وادريك نص النبض / غيرة وشهامة وامل / تحيي زمن معطوب / وادري بهواك ارتبط / مو وحده هذا الكلب / مرتبطه حفنة كلوب / وادري بغرامك مرض هيهات من الشفه / لا فاد ضرب الابر لا فاد شرب احبوب / يا عيني حتى الالم منك عوافي يصير / دخان حتى الحرك منك حبيبي طيوب / ويروب حتى اللبن ويروب حتى الماي / بس الحنين الصعب لا ما يصك ويروب / اوطان كل الارض من طين ومن الحجر / بس العراق الوفي بقالب عسل مصبوب / لو مر علينه القحط انت التجيب المطر / وانت النسيم العذب لو صار وكت اهبوب / مشدود ذاك الجنح بس للعوالي يطير / وتحارب وتنتصر حتى ولو مصيوب / ما فكرت تنتحر من مر عليك السبي / والغاصب المعتدي هابك ولو مغصوب / وانه من اجل عزتك فريت كل المدن / مشدود جفي بحبل حتى النظر معصوب .
جواب
هناك من يقول لك ان العراق بلد الازمات المتواصلة ، فلماذا لا تغادر الى الشتات؟ ، حينها تكون الدموع جوابا عن جميع الاسئلة .
خميت كل الدول خميت كل الكاع / كالولي هذا الوطن / قداح مشمش حلو ماظن يموع بساع / كلتلهم انه احب / صفصاف ما بي ثمر / وبكل سواجي الورد ما بدل الخرنوب / برحي ورغيف ولبن يا طيبتك زادي / وبلادي جنة عدن ياوادم بلادي / ميسان راحت امس خطار لرمادي / يمشي برهاوة الجبل لو فات يم وادي / واهل الشمال العصر زاروا اهالي اجنوب / لساع بيه عزم بيه عزم لساع/ اوصل هذاك السفح واشتم ورد فواح / واحضن هذاك النجم من دون ريش اجناح / واعبر هذاك البحر وحدي وبلايه ذراع / وشراع هاي السفن كلما تلفه ارياح/ فوك المراكب يظل للموت اسمه شراع / ما طاح كلبي بعشك عذري مثل ما طاح / بيك انت يابو النخل بيك انت يابو ارماح / والصاح جانه الخطر كالوا يموت الصاح / كالوا خذاه الضبع بالريح كالوا ضاع / ما ناح يوم الجرح اله اعلى هجرك ناح / يرتاح هذا الجسد لا ما اظن يرتاح / وانه وبقايا العمر والليل والاشباح / ما طاع كلبي محب بس ليك وحدك طاع / لا ما يهمني اشم منك عطر قداح / مدري اشمن عفن مدري عطر نعناع / لا ما يحب الحبس بلبل هلي الصداح / للدوم يهوى الشجر والتين والتفاح / بس من تذبه بقفص يبقى عمر متعوب .
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة