العراق منارة شامخة في كل الأزمنة
ثقافة شعبية
2019/12/03
![...](/uploads/posts/alsabaah-24175.jpg)
+A
-A
ادب شعبي
خطيت فوگ النهر تاريخك البسام/ يا سندباد البحر يا هودج الاحلام/ باسمك يغني الشجر وتزغرد الانسام/ غطيت كل البشر بالخير والانعام/ جا ليش اعمى البصر واهلك خطيه ايتام/ شلناك طول الدهر فوك الجبين شموس/ شلناك طول الزمن فوك الصدور وسام/ ما نتعب امن السفر ما دام عدنه امتاع/ ما نتعب امن الركض ماطول عدنه اجدام/ ما نشتكي امن التعب ونعاند الدنيه/ ما نشتكي امن السهر للواشي والنمام / انت الفرح والحزن من لحظة الطوفان/ انت الشمس والفكر من عهد سام وحام/ انت الصراط العدل يمشرع القانون/ انت الضمير النقي يمجسد الاسلام/ يا ريت سالم تظل وعداك مخذولين/ ياريت سالم تظل مليون
عام وعام.
بلد قوي
العراقي بلد قوي في كل الظروف، وان مر بحالات ضعف ينهض من جديد، والعراقيون لهم مواقف تبقى خالدة بعد الرحيل .
فوك المباني ترف يا موطني الاعلام/ لكن اشوفن دغش مكتوب بالتاريخ/ لكن اشوفن نزف ومصوفر الشمام/ وانت الشجاع البطل مو عادتك تنكسر/ وانت العنيد الصلف مو عادتك تنضام/ ما ينسى اهله الوفي لو عاش بالاوطان/ ما ينسى مايه الزرع لو دارت الاعوام للغير صار الثمر والتين والزيتون/ واكليل من الورد للي نسى الايام / احنه الحمينا الوطن/ هسه ندور وكح يحمينه من اشرار/ هسه ندور بطل يحيمنه من اقزام/ تفزع جميع الاهل لو ريح دكت باب/ تركض جميع البشر كلما يدك دمام/ ادريك كلش ترف لو مر عليك الهوه/ تتناثر اعلى الدرب كسرات من الجام/ والشوك ذاك الحلو باجر يعود الشوك/ والطوك هم ينكسر فد يوم ذاك الطوك/ تطلع علينه الشمس ونواصل الانغام.
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة