الناصرية جوهرة العراق المضيئة
ثقافة شعبية
2019/12/24
![...](/uploads/posts/alsabaah-25969.jpg)
+A
-A
سعد صاحب
جوهرة
الناصرية مدينة المبدعين، فهي الرحم الولود الذي انجب لنا عشرات المبدعين ، من العلماء والمطربين والشعراء والموسيقيين .
هاي هاي الناصرية / هاي ام ثغر البسيم / هاي صوت خضيري يصدح فوك ماي / هاي جنحان الحمام التركص الهمسات ناي / هاي من عدهه طلع مليون راي / هاي بيهه شكد عذب شم النسيم / هاي شريان اليسار / هاي زقوره وتواريخ الامل والازدهار / هاي شمس الله الجبيره الزاهية بوضح النهار / هاي عنوان الكتابة وهاي اسرار الرقيم / هاي صوت حضيري هاي / بلبل الالحان والدينه حديقه / هاي صوت حسين نعمه الما سكت عن الحقيقه / هاي صوت الجوهرة ناصر حكيم / هاي صوت المعجزة داخل حسن / هاي ستار الشجاع الما يهاب من المحن / هاي من عدهه طلع شاعر يسمونه مجيد / فارس ونشمي وعنيد / هاي يا عيني صباح المات من اجل الوطن / هاي صوت معاتبين / هاي اجراس المحبة التقرع الكل الحشود الغايبين / هاي رايات احتجاج الشالهه الدرويش عبد الله حسن / شوف خفاكه بقت طول الزمن.
غناء
ما يميز هذه المدينة الغناء المعبر عن حب الجمال ، وحين يسود وجه الحياة وتغلق المنافذ ، يكون جسرا جديدا للتواصل بين
البشر .
هاي طالب من يغني الناصرية / ترتعش كل المناديل الرقيقه / تبتسم كل القناديل التشع بين الشطوط المرمرية / هاي يا عيني كمال السيد اليختار حلوات القصايد / لحن الريحان ومكير حرز وكت الشدايد / هاي حبوبي وعلم وشموس وشراع وعقايد / هاي غراف الغسل كل الذنوب / هاي بدعه الفاحت باحلى الطيوب / هاي حرة الكل شهم ثوري تساند / هاي اهوار وسمج هاي اللهب / هاي واحة من الورد ومن الخمايل / هاي ام احلى الاغاني / هاي منهه الشاعر المحبوب زامل / هاي اقراهه درس مفتوح كل يوم بكتابي / هاي من عدهه طلع كاظم ركابي / هاي من ليل الحزن صاغت اماني / هاي عضاض وزلم خشنه وعد منك تتاني / هاي ام جبار ذاك الجان يجمع بالحطب / للدراويش السكارى/ للمجانين السهارى / يشعل النيران للناس الحيارى / وباسمهم خط غريبة الروح شاهد / جانت اجمل ما ترك لينه
وكتب .
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة