للريح ...

للطيف الكبر بين المطر والريح ,

اخذني انسافر انسافر ,

روحي بكل تعبهه تصيح :

للريح للريح للريح !

وفتك الحلم بابين وصرت شراع ,

على جرف الملامه وحركة بنادم ,

حبيبتي السمره نزعت سواراتها الفضة وبجت ,

وظمتلي التراجي والدموع واخر اسراري ..

شسوي انه ؟!

شسوي انه ؟!

لون كل الورود الطايحه اعلى الكاع ذبلانه ...

شسوي انه ؟!

بجيت وما بجت عيني ,

بجيت وما بجت روحي ,

نخيت اخر جرح ما غمضت عينه ...

ابجيلي ابجيلي ...

بجه وطاحت الدمعه ذهب ع الكاع !

وخضرت روحي ورد ع المزهريه بساع !!!