حمود حسين كعيد
بعيد هواي عني وظل صوتك
نغم سهران وبدمي يتردد
بعيد ومن يلفني الليل
الكاك برفيف اعضاي تتوسد
اغبش والجفون اجفون
شركها الدمع علنظر ما تنرد
اغبش والسهام اسهام
ارد بيهه بشراييني ولا ترد
واردن والنزف شلال
نزفي يريد عل الوشله يقيم الحد
واجيك اموالف الياريت
وعله المعقول واتمرد
اجيك اركص ركص مجنون
لا حده القفل..لا هوة يتحدد
واشمك حيل علمن تطفح الريه
عله الشفه ولا ابرد
وانزل من سمه عيونك
لعد الكاع واتوسد
واكلك دوس... يل ثكلك
ثكل عصفور موش ازود
انه الادري الزياده البيك
ريشه وبالوزن يا ولك ما تنعد
