أرشيف جريدة الصباح

تلويحة للجيش العراقي الباسل

ثقافة شعبية 2021/01/09
...
+A -A

سعد صاحب 
 
 
فوك الساتر دوم تقاتل...
انته الجندي التحرس بابل...
وانته الحارس كاع صويره.
احنه انام وانته تحارب...
خدك اصفر لونه وشاحب،
تعطش وكت الصيف اللاهب...
اكثر من هاي الصبيره!
واحنه بدونك ياس وذابل...
خشبه وتاخذنه السويره!
انته الكاس المجد الساقي...
بس تاريخك وحده الراقي،
بس عيدك يا جيش الباقي،
من دارت بينه الدويره!!
لابد يرجع ذاك البلبل...
والسعفات الخضره تهلهل،
ترجع صوب العش الطيره.
وخيوط الشمس المنشوره...
تنثر فوك الشط بلوره،
عصفور ايباوس عصفوره...
وطوير يغازل بطويره!
مفتاح المستقبل بيدك،
حفنة انجوم اطرز جيدك،
وانشم ريحة ياس بعيدك،
وانشم جوري وعطر خضيره.
بيريتك عنوان الهيبه...
وحزامك مظفور اكصيبه...
تمطر حب وتمطر طيبه،
يلمع نسرك مثل الليره.
يوصل لينه الصوت العالي،
هذا الوطن الحر الغالي...
ما نقبل للموت بغيره!
وانته اتعين الام الصاحت...
وانته تلم النجمه الساحت،
تلعب ويه الطلقه الثارت...
لعبات الساس واطفيره!
خنجر تغفه بعين الغاصب،
طبعك مثل اطباع الراهب، 
حد الموت ويحرس ديره!
انته الطالع من الهامش...
مر بيك اشجم موت وعايش،
وشجم غازي اتعنه وداعش...
ردوا فوك الخد اجويره!َ!

أخبار اليوم