صابرين الكعبي
على ياذمه صغت روحي اعلى نسيانك
على ياچلمة ويضيع اسمي على لسانك
واحنيهن نذر كلما يجيني الشوگ
واندگ اعلى بيبانك
تعال اظفر حزن روحي وي كل ليلك
يجي وجهك حزن محراب يغفرلي
من اصليلك السهر يغفه من لوليلك
يماخذني ثواب انسان مات ونيته يشوفك
يباچيني على نزوة كيف لاعذرك ولاعوفك
چم فانوس چم نيشان ضيعته وگلت يندل
وچم فانوس طفيته وگلت بلكي الحزن يخجل شنو ذنبي وي كل روجه عطش يحچوني من اذبل
يساجيني المسه ووجه صبح مأخوذ من عيني
اطيح وي ضوه اليشعل روازيني
بخور وعالدرب تكبر نياشيني
احط من صورتك صوتك واگول من استحي گبالك تحاچيني
عليش المايشبهك يزغر بعيني
وليش برودتك بالروح تچويني
عليش الناس من تطفه ولاتضوي
بس وجهك شمس لو عالوجه تنوي
گطرات صدك من تنشرب تروي
من اعايلك شكو كلمة عشگ بشفايفك تچوي
