محمد كريدي
ناذرتك فـده نـذور الاثگال اثگال
موش انه الـتجيب وتالي تتوسف
بـطلوگي وگلت عباس لو عباس
بـطن ام البنين لـغيرك استنكف
گالولي ولد .. گلت ازلمه المحروس
ثگيل وحدر مهده الگاع تتخسف
گنطرتك لـهسه تعبر التاريخ
وافعالك عرايس بالكُتب تنزف
مو بس حار لا ثلثين راسك ثار
الـحلوه الـبالگمر ماگال واتخلف
غَيـم بالطفوف وصب نحر وﭼـفوف
البارد بالـگضن والـكلف للـتـكلف
مااحسبك كحل واختصرك اعله العين
غير انت الاحزام الـعالظهر يلتف
