عبد الحسين الحلفي

 

زين وناس أكو وما عندك عـيـون

آنه عيون عندي وما شفت نــاس

گبل عباس أكو بس ما لگه إچفـوف

هسه إچفوف اكو بس ماكو عبـاس

 

أكو باقين بس عن گلبي راحــو

وأكو راحو بنص الگلب باقــين

ظلم كل آدمي اتسمونه إنســان

وجريمة كل علي اتسمونه أبو حسين

 

گبل آدم إنته مولود أعتقـــد

گبل آدم إنته ما بيهه مجـــال

والدليل شگد سهل من فكـرت

الكل ابن آدم وآدم من تــراب

وأبو إتراب إنته إذن گبله صرت

 

حاول ترسم شجرة وكيحة .. تضحك من يضربها الفاس ...

وحاول ترسم واحد ميّت .. روحه وردّه إتدوسه الناس ...

وحاول ترسم خد الذل ... إيجدي البوس وما ينباس ...

وحاول ترسم عاگول إشتم عطر اليــــــاس ...

بس كلش لتحاول ترسم ... وضع حسين من شاف چفوف العبــّاس