أرشيف جريدة الصباح

وحكـ المحسن

ثقافة شعبية 2021/09/25
...
+A -A

  سعد شميل 
 
 
وحگ المحسن الماشاف حته اطلوگ
مثل باب الحسن ياجفني مامطبوگ
وصلنه القصر سبحه الشاهد السجاد
بس ضيعنه خرزه بعتبت الصندوگ
وعدنه اطفال مانامت
رغم مايشبه الكاروك ممشه النوگ
عگدناها العبي ام عباس خاف انتيهه
بس هوه الصدگ چان الطرف محروگ
شفت روس اخوتي فوگ الرماح اعثوگ
وبذيال العبي متوزر العاگول 
وگمنه انخاف لاتاكل عبينه النوگ
والعباس ماموجود وشكيله
شفت النسر يفتر فوگ راس حسين
بعض الظن اثم يمكن يهفيله
وهاذ راس عبدالله برمح مشيول
القلم عبدالله راسه مايكفيله
ومثل نزف السواجي التوهن مفتحات
ينزف دمه فوگ امتون اليشيله
كبر عبدالله مالحكت الوليله
الرمح من شايله صاير بطول حسين
وهاذ اول طفل مايمشي وي جيله
وهنانه رقيه بدت تشكيله
سهلات التراجي باگو الچلاب
وخنگت احجابي بيدي ومارضه بميله
 ما امسح ادموعي التوگع من العين 
خاف امسح ادموعي وتوگع الشيله
عبدالله الهضم ونوح تعبني 
الحمد لله يخويه وخنصرك موجود
رقيه يهمچ الخنصر.
اي عمه وعلي يهمني
عمه من ازعل انه ويا بيمن چا يصاحبني
وبس لله شكيت وماشكيت الناس
كلشي اليختنگ بارض الطفوف يموت
وعاشت بالخنگ بس جربة العباس
وصينية القاسم كبر بيها الياس
مد اعروگه بالحنه..
وبعد فنه الوصله الفاس...
وباب القصر بسمار ظل بصابتي مچلب
الشرك صح كض اليچبلون
بس ماينعد معزب...
ودفنت اجساد اخوتي وماهويت اعتب
ولهذا السبب بعده الگمر خجلان 
وجهه محومر شما يطلع المغرب

أخبار اليوم