أرشيف جريدة الصباح

جرح مشتاگ

ثقافة شعبية 2021/10/24
...
+A -A

  محمد جواد الكعبي  
 
أثر والله تركته
بحبك سنين
ما ينمسح صعبة 
بلحظة فراگ   
 
يظل ينزف جرحنه 
بكلمة الآه
ما شايف أعذرك 
جرح مشتاگ  
 
مثل مكسور جنحه 
حالي وياك
جنح طير اليصيده
لعب تفاگ  
 
مثل حال اليتيم
بصبحة العيد
يدور عل الفرح 
مايدري منباگ  
 
شما يعله ويطير
ايحط على الگاع
لأن سباگ جنحه 
لهسه معتاگ  
 
أشوفن بلم هجره 
مسيس بعيد
صار بنص بحر
ويدور الراگ  
 
نسيت بسرعه هيچ 
الصار وياك
نسيت البوس كله 
وذاك الشباگ  
 
صاحت بيه كلها
 الوادم شبيك
أگلهم  باگ عمري 
شخله ماباگ  
 
صدگني من أذكرك
 تنتهي أعضاي
مثل موس وأبلعه 
ناشف أرياگ
 
صرت مثل اليدوّر 
بالدرابين
سكراب التحف
 وبحبه عتاگ  
 
أفتش بالسوالف
وأنبش الچان
شمالك ماتبطل 
صحت مشتاگ

أخبار اليوم