نظرتك عين ...

على احدود الحلم .. واليقظة والنسيان

نظرتك .. عين 

فوگ من الحلم واليقظة والنسيان 

عين الله الچبيره .. ابلا جفن.. لانوم 

أمر بيه.. نهر نسيان 

شربتي .. نسيت الله .. وذكرتك دوم

بمرايه غرگنه.. اثنينه وتهنه

وعراف المري والماي تيهنه

مايندل أثرنه امنين 

تبع خيط المري البلماي ..أورد حيران 

ونبع ماي المري الراكد ..او بگه حيران 

ولگيتك .. توك.. من حلم طالع 

كتلك وين؟!

طالع من حلم بسكوت 

گتلي: لا تتعب ولا تنشد 

بأسرار المري والماي تلگاني