سلام صلاح
شَمه الرُگبه اويه خِل يسوه الحضن
عش وحلال
زَقزقة عصفور زاهي
مَلگه چانون ودِلال
أغصان تِتّوادد وِصال
شمنّي كل ما بيك رِيه
ولفنّي فوگ الجيد الأخضر حُب حلال
والعصافير إعله طيحات النِده
وگفت زلال
إزقزق وطول الشجر لاگه الهوه
ابغبشة تعال
اليوم كلشي ابروحها ايطول الجبال
جوگة اجفوف المگاود
لمة الخبز ابحلگ بيت العيال
إزق شكو كلمه حِنينه
إگبال شارب يسوه ينعد ع الرجال
امعاگب اجناح الحظن ويه الحظن
شَبت رفيف
وصَفگت اضلوع الحضن تّعلو انّذهال
وين چان
والعصافير اعتلت عين السمه
ونزلت گلايد
فوگ جيد العيط گعدت
فوگ خد الرازقي
الفايح جماله إشفاف مدت
طارت ابين الأصابع
نسمه بيها إشاه نَدت
إتّعاگبت ونّجر شكو بين الملاگه
شبگه كل الحيل هدت
غَنت العصفوره طيري ...
طيري
طيري يا روح العشگ
وأغصان سَدّت
