أرشيف جريدة الصباح

رفة إجناحك سحر

ثقافة شعبية 2022/05/25
...
+A -A

 جبار عودة الخطاط
 
ياريل وصّل حمد
مني سلام وشوگ
گله الشعر ياحمد
الصايته ايلوگ
ياملح شعر العرب
يلشعر راسك شلب
سافر إبجسمك سفر
وروحك تظل ياوفي
مشتوله وي الگصب
*
ياطير من ينذبح يجفل
يغرّد تعب
يسكّت إغراب النعب
رفة إجناحك سحر
رفة إجناحك شعر
عندك قصايد نوگ
عندك فخاتي شجن
عَ النجمه غنن فوگ
عَ النسمة ناحن شوگ
*
آنه ارد اروح الحمد
ماروح انه الغيره
وأحجيله.. 
صارت صدگ
وباعوني إبليرة
والليره طلعت شبه
واشتعلت الحيره
والناس تنطر حمد
يرجع بريل السعد
محمّل اشعار ورد
ويكحّل الديره
انه ارد اروح الحمد
ماروح أنه الغيره
*
ياريل وصّي حمد
خل يطوي ليل السفر
ويجمع تصاويره
ياريل شنهي العذر
ماتعباه السفر .. وهو
بجحيل العمر
والدنيه فرّيره
*
ياريل بلكت تمر
توصّل سلام الشعر
وبوساتنه إبكچه
ياريل اوصل حمد
ياساحر الحسچه
ياريل لا تشتمر
اضلوعي الك سچه

أخبار اليوم