بسيم عبد الواحد
صدگني ما أمنعك إرحل لون رايد
واترك سيوف الهجر بحشاشتي اگلايد
چنك نويت الهجر
وعايفني مثل الجمر
كل يوم أگولن يخف، والگه الحمل زايد
چنك نويت الهجر وشايل صحاري وياك
يالچنت أظنك نهر وأنت الرمل مجراك
بگلبي مواگد جمر وگلبگ
ثلج بارد
تنزف عيون الگلب ومطبره اكتاره
ومن گلبك شگد جوي ما طاحت حجاره
هناااك حزنك ركد لتحرك الراكد
انجوم وجدك طفن مثل الحجر ماتن
ورماح هجرك مضن بنص الگلب باتن
خشنات يتسابگن واحد وره واحد
دگهن بساميره ببعد غمج بالروح
وبخاطري تلملمت أحزان كل مجروح
رچ حيلي ناخ وتعب وثوب الصبر
بايد
