رياض النعماني
بلكي، لو بالجذب، تعدل الدنيا أوياي
والحلم،
مره بحلم إيجيب صوتك.
ريحة إثيابك غنج نومك التفاحي الأمير
فيّيك إعلى الأغنية الخضره.. وأنسى كل الحزن
لو شفتك غزاله
بكل ربيع العمر
وإليالي المسيح
ياروحي ع الجيران جاي
وأنا أجذب
آنه اكل للدرب وطيور السكف
والضيء والشبابيج: عليّ جاي،
شوفوه اشكثر فرحان... شاله النرجس بريحان
يقطر نشوه ع الحانه
و ع الخلاّه
بس بالغلط،
ودّاه الدرب ياناس
ع الجيران..
