علي ناصر الدراجي
اكو واحد .. كضه عمره اعله الرصيف
واكو واحد مايعرف الصيف
من فصل الخريف
لا تغض الطرف من تشوفني
انته شخصيتك.سراب
اتموت وي خيط الشمس
دورة الناعور انته
الخالي من الماي ..
بس يفتر عكس
انته .. يا بيت الكصب
يل مايل اوي الريح طبعك
مانسمعك
اشلون اسمعك و نته صوتك
خنجر بركبة طفلنا
اشلون اسمعك
دنيا ليل .. ورحله مجهولة طريق
وشفت غيمه ..
تمسح برأس اليتيم
وصوت امي .. يوصل لآخر محطه :
يمه رد خليني اشوفك .
خل احني جفوف اديك
ونعش اجانه بيوم عيد
نعش ابونا المات من غربة سفر
وعشرتي اويه الحزن مو عشرة سواد
عشرة ام غركان وي جرف النهر.
