فيان البغدادي
ضمني اعلى الضلع ضمة حضن مشتاگ
مثل ضمة العين المرود الكحله
انا بنية گمر عاشگها جرف الليل
تتغاوى بفجرها گباله وتحله
افرع للمرايه طيوف سكرة عين
امشط ليل ليل وجفنك اندله
اناغيلك عنب ونعصر كاس وكاس
اطش روحي اعلى روحك شلي بالسله
تعال بكل هواك بريتي
فوت ارتاح
ابن ادم يختنك لوما يشم خله
ومشي براحتك مشية نهر سكران
افيضن لك سواجي بكل كتر دهله
بنيه وعاشگه وغراها عطر البيك
النار احمر جمرها وغرت الدله
كل هذا وكتبت بحايطك مريت
يم بابك ضوه وما رضت تفتحله
مو خلة غصن هي الطيور تطير
من يكبر جنحها المقصد اتذله
