اسماعيل محمد اسماعيل

كحيله بهواهه ايميل هدوه الزمل،

تمشي وتركص الكاع رنة حجل  ...

ميل الهدب بالعين جرت كحل،

والكصه كمريه بروايح تهل  ..

لمنه ودوانه اطيوف نبع الوصل  ...

وبروحي مشط الشوك ينسل نسل،

ضي الامل روجات بيه كيلينه  ...

حطنه اعلى جرفه الشوك وترافكينه !

يمشرعبه ويه الريح مهرة عرس  ...

وبريسم الوجنات كذلة شمس،

عطشانه روحي يضيع ورد الونس  ...

لو غبتي عنهه اطيح من صيد امس  ...

دكي ايدج اعلى الكاع تهجس هجس،

نبضات كلبي اتغني شوك النفس  ...

حلوه الهوتهه الروح والحب رواهه .

تتمرجح بسباح كلبي بهواهه  !

الضايع وليفه يضيع هيمه بنجد،

عينه ويه غربة شوف عطشة سعد  ...

يكحيله وامن وياج اروحن وارد  ...

الممحل يخضر حسن ويطك ورد  ...

ومن الضلع للروح ينبع ورد،

عمر الكصيل يلوك الج ينحصد  ...

لو لم لي عمري وياج جنح الهلاهل  ...

 روح ويه روح اذوب ناي اعلى نايل !!!