العاشق كائن مجنون يستعر في داخله اللهيب
ثقافة شعبية
2019/03/08
![...](/uploads/posts/alsabaah-7851.jpg)
+A
-A
سعد صاحب
الروح في شهقاتها، تشبه البروق والرعود والمطر، تئن مثل جمر المواقد، وتقص الحكايا عن وفاء العاشقين، الى الريح العابرة والناس والشجر والماء والوطن.
شهكات المطر بالروح / كل شهكه نزيف جروح / كل مرزيب فوك الدار / ينزف من عذابه اشعار / ياعيني يون مفضوح لمصابك / والموكد يسولف عن غنه العشاك والثوار / يسولف عن عشك مملي عتب وافكار / يسولف عن جفه احبابك / يسولف عن وفه الوداك للغايب دهر تبره / يسولف
عن وفه الجابك / وحشي الشوك البروحي / نقشني بمحبسك آيه / رسمني جناح فختايات نص بابك / يفصلني الك قمصان / يزرعني على دروب العشك شجره / يرشرشني عطر ريحان / كل ليله على الشارع / على الاطفال والنسوان / على
الجرجف على الدوشك على الحافك / يبسمرني غناوي بدورة شفافك / يطشني نجوم لماعه / على سياج الحديقه وفوك كل شاطي / يشتلني غصن ريحان / بين الباب والشباج والقنديل وعتابك.
هوس
حبٌّ يحمل الكثير من صفات الجنون، يوقظ العاشق من النوم، ويجعله مهووسا بمن يحب، يكتب القصائد والرسائل ويستذكر الألم.
حطاني صور تذكار / تدك اجراس من ينسه المحب مشوار / تحضنك ساعة العثره / تحضنك ساعة الاحزان / تسندك لحظة الفقدان / تضوي ديرة البصرة / تضوي دروب الولاية /تضوي شجرة الصبار / تضوي شارع الستين بالثورة / تضوي سنين بكتابك / وحشي الشوك البروحي / شعلني بكل درب قنديل / بس قنديل ما يرتاح ما يطفى / سواني حدر دمعاتهم منديل / بس منديل ظل طول الدهر سهران / والمبلول جان بماي لو بالدم فلا يغفى / وداني فخاتي تشيل ما بين الجنح اسرار / اذا مرهه التعب تتوسد اكبابك / وصاني اعاود من بعد اسفار / شعلني شموع بجروفك / خلاني مثل ناطور احرسك من حراميه / تريد تفرهد دفوفك / ودروب السفر وحشه لياليهه / وايام العمر هاكد بلاويهه / وعيون الغريب شكد ملح بيهه / عين تنام جذابي / عين تراقب الخطار والشمات وضيوفك / حبيبك ما نسيت بيوم ذاك الشوك والضحكات والعشره / احس توني احب توه طلع قداح بالبذره / اغار من اليحاجونك / اغار من اليحبونك / اغار من الحلم لو بات بعيونك / اغار من الدمع لو مر على جفونك / اغار من الورد لو لامس جفوفك / اغار من المشط لو نام بزلوفك / اغار من الكمر لو غازل جروفك / اغار من الكحل لو باوس اهدابك.
نار
العاشق كائن مجنون، يستعر في داخله اللهيب، ورغم ما مرت عليه من مشكلات، لا ينكر الحب الذي لا يخفى على احد، ولا يتمنى ان تنطفئ الحرائق المشتعلة. نص مجنون نص محتار / نص هاي الثلوج النار / نص بارد مثل غابات روسية / نص جامد مثل ارواح وسط النار منسية / نص مهيوب شايل روح قدسيه / نص حالات مجنونة / نص حالات للنكران والايثار والوحشة / نص حالات نفسية / نص رغبات مكبوتة / نص رغبات ملعونة/ نص رغبات حسية / والشاعر وكع من ايده ذاك الكاس / ساعة خوف بيهه الروح منكسرة / والضايع يدور بين هاي الناس / فد تاريخ فد عنوان فد ذكرى / كعدة بار صرخة ريح / عركة ليل ديج يصيح / دجة باب راية تطيح / شجرة توت خد سمره / وردة تموت طفل ينوح / صرخة خوف محبوسة بهذيج الروح / طالب ثار عاف الثار / وصلة كاع ورقة ماي / دفتر دين جنسية / مكاتيب وطوابع والفخاتي اسراب / حد اخر شبر من الزمان تروح / وترد ما تنام بكاع مابيهاش محرابك / جرحهه يهيد ساعة يا وفي تشوفك / واردد وي غريب الدار/ يا قرص الشمس بالصيف كلش حار / وطيوفك تجي وتروح / يتمنى الجروح تطيب كل مجروح / وعيوني تطيب بجية طيوفك / واتاني تفوح ورداتي اعلى نفنوفك / حرت بالصار والما صار / حرت كاعي وسيعة وعايش بنص غار / حرت ادفع بديه السيل والغربان والصخره / حرت باللوم واعتابك / يا فندق جبير نريد غرفة ايجار / للعايش شريد بلا وطن وديار / للبعده يفر بيه الارض والكون دولابك / ونه الما قصرت وياك تدريني / افرح من تجازيني بطعن خنجر / افرح من توذرني وصل يازين بحرابك.
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة