حيرتني
ثقافة شعبية
2019/03/27
![...](/uploads/posts/alsabaah-9366.jpg)
+A
-A
مؤيد جابرعلوان
حيرتني شبيك ماتعرف تحب
مره تهواني بجنون ومره ضدي تنكلب مره اشوفك بحر واغرك في هواك ومره كيش وما وصل حد الركب ومره اضوكك ماي وبحلكي زلال ومره طعمك مالح وما تنشرب
***
حيرتني شبيك ما تعرف تحب
مره اشوفك انته كدامي دليل
ومره انته تصيرلي عثرة درب
ومره احسك طاير بجنحان شوكي
ومره احسن حتى ضحكاتك غصب
***
حيرتني شبيك ما تعرف تحب
انته لو مليت كول ولا تخلي بينك وبيني عذول والحجي العنك سمعته شكد جرحني
***
واني بعده اشرده اكول
كالو بطبعك هواي وكالو بطبعك عجول وكالو تبدل حبيبك ويه تبديل الفصول
***
ياحسافه شرده اكول
يمكن اني خلص وكتي ولاح ورداتي الذبولويمكن اني انهاري جفت يبست عندي الحقول يلي ضنيتك وانته عمري شما يطول يلي نبض الكلب انته ولو زلت منه يزول
***
يا حسافه شرده اكول
ابقه احبك وغير احبك مااكول
عيونه رماح وبكلبي نصلهه
شروطه هواي ما نكدر نصلهه
قسمت الروح نص ليه نصلهه
تكول شبيك شو مبخل عليه
***
يكلبي هموم كثره صاحباتك
وانه الملجوم كلبي صاحباتك
صرت محبس وخصمي صاحباتك من جف عله جف انلعب
بيه
***
ترف حبك سكن بالروح وحشاي
بغيابك صارت الايام وحشاي
بعيني شما نظرت الناس وحشاي بس شوفك حلو ويلوك اليه
***
وحق من انزل القران بايات
صعدنه بحبك احنه هواي بايات
افكر بيك اظل بالليل بايات
من افكر بيك فكري ايصير
بيه
***
عليك عيون مثل رماح يأذن
نحب كلبك نزوره شوكت يأذن
صدكي من اذكرك تهت يأ ذان
مر بيه الصبح مدري المسيه
***
بودادك ليش شو تكطع وصل بيك وحسافه للغدر دربك وصل
بيك من اخذتك عود انطوني وصل بيك الوصل مضروب والختمه
سويه