يبنت الناس
ثقافة شعبية
2019/08/23
![...](/uploads/posts/alsabaah-17799.jpg)
+A
-A
حسين النشيوي
دليني على حضنج وين ما اندل
صار سنين تايه بيج يولايه
حرام بديرة العميان تنحطين يمرايه
المثل وجهج تعشكه الناس
المثل وجهج تحبه الناس
وجهج شايل الرحمه
ماشافوج من الله شكثر زحمه
يكشخة ماي امشي وياي
صبخه بروحي احسنهه
تعاي لديرتي وشوفي امشي وياي بالنيه
حرام لغيري من ترحين يبنيه
حرام جفوفج الحلوات يلزمهن بشر غيري
وحرام خدودج الحلوات يشتمهن بشر غيري
يبت الناس هاي الناس ماتعرف سوالفنه
ما يدرون ما يدرون نتطشر والهوه يلمنه
روح بعيد يلكوني على بالج راي
اذا بيج العطش مر يوم افزعلج بهوسة ماي
وبلل كلشي لبروحج
وطيب شوغة اجروحج
وذكر سوالفنه من نبرد شنو يلفنه
من نبرد شنو يلفنه
بشعرج جنه نتغطه ونخلص الليل
ونخلي بليس يتعاجز من عنده نوشل الحيل
واتذكر كلشي المسوين
اذا طاري القصر ينجاب نحجيله اعله بيت الطين
يبنت الناس هاي الناس ماعدهم بشر معروف
اعاين وين من باكوج ما بيهم وجه مألوف
مثل شجره وكلاج الخوف
ويمج فوس متحضره وتريد اجفوف
جم فلاح تلكه بصدره الف حركه
وجم صايود تلكه مفارك التفكه
سفينه وسير اشراعج
وصوفر كلشي البكاعج
كتلو كل خضار البيج ما بيهم وجه فلاح
اذا طاري الزرع ينجاب يمه يكيف ويرتاح
ما بيهم وجه لله
بس ابليس فوكاهم اجه وصله
ما يرضون عيشتهم حلال تصير
الله العالم امفرعين جم عش طير
وتره البايك تعب غيره ذنوبه ثكال
الكلاده اذا مو من تعب كادود
بالركبه تصير احبال
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة