كالت الدال شبعد للروح يعني / دال معناه الدخول / من يجي اذار وتدور الفصول / دال معناه الدليل المايعوفك بين غابات وحقول / الدليل الما يضيعك لو يمر وكت الافول / دال معناه الديار التغرك بوكت الهطول / دال معناه الدموع الساحت بليل الذهول / دال معناه الدمار الطش على الدنيه الذبول / دال معناه الدفوف / اليوم تنكرهه بفرح وردي الجفوف / والدراويش اعلى ذكر الباري بالحضره تطوف / كالت شعندك بعد يا عيني كول / دال معناه الدواير / دال معناه الدرد وسط الضماير / دال يعني الداي ما بين النواظر / دال معناه الدوه الداوه الزمان وراح يتحده الصروف.
